KIKO TA
minamento di nos comunidad?
Nos ta orguyoso di nos isla bunita. Sinembargo, ta sconde un peliger cu kisas no ta obvio na prome bista: minamento di nos comunidad. Esaki ta nifica cu criminalnan ta usa ciudadano y negoshinan honesto pa actividadnan ilegal, manera corupcion, labamento di placa y traficacion humano. Nan ta presiona personanan vulnerabel pa yuda nan. Asina nan ta purba di maluza nos comunidad pa beneficio propio.
.png)
CON bo ta ripara?
E consecuencianan ta mas cerca cu bo ta kere. Placa gana honestamente ta cay den man di criminalnan na luga di yega caminda tin mester di dje, por ehemplo den nos scol y hospitalnan. Prijs di cas y produkto ta subi door cu criminalnan ta laba nan placa cumprando tereno, propiedat y bienes den otro sectornan. Esaki ta haci mas dificil pa hende comun y coriente tene cabes riba awa. Banda di esaki, nos hobennan ta core mas riesgo pa subi mal caminda.